الرئيسية > آش واقع > ها الجديد ف ملف قاضي العيون للي طيحاتو الرشوة
01/03/2024 08:00 آش واقع

ها الجديد ف ملف قاضي العيون للي طيحاتو الرشوة

ها الجديد ف ملف قاضي العيون للي طيحاتو الرشوة

كود ـ العيون//

كشفات مصادر “گود”، أن القاضي لشدوه البارح الخميس في قضية رشوة هو قاضي التحقيق بالمحكمة الابتدائية ديال العيون وكاري عند المراة للي دارت به شكاية، وتم توقيفو وتفتيش دارو من طرف الوكيل العام والمخابرات الداخلية وضابطة الشرطة القضائية، حيث تم ضبط المبلغ المصرح به من طرف المشتكية.

وحسب  مصادر “كود” فإن مبلغ الرشوة للي تلقا في منزل قاضي التحقيق هو  15 مليون سنتيم وكيحمل الأرقام التسلسلية التي صرحات بها المشتكية أمام الوكيل العام بالعيون أثناء الاستماع إليها. وأوضحت المصادر ذاتها، أن المشتكية كانت اتفقت مسبقا مع هاد قاضي التحقيق باش يتم الإفراج على خوها للي متورط في قضية ديال الهجرة السرية وتم اعتقالو فمدينة الرباط، وتم التحقيق معه من طرف المركز القضائي بسرية درك العيون. والبارح الخميس تقدم أمام النيابة العامة بالمحكمة الابتدائية ديال نفس المدينة، ولي حالتو على قاضي التحقيق من أجل التحقيق معه في قضية الهجرة غير الشرعية ولي تم ذكر الاسم ديالو فيها من طرف أحد المرشحين، ومللي ما صدرش الحكم للي بغات عائلة المتهم، اضطرت المشتكية لتقديم شكاية للنيابة العامة، للي تفاعلت مع الموضوع بجدية، بحيث تعتاقل القاضي وتم ضبط المبلغ المذكور بمنزله.

دبا راه الأبحاث جارية مع القاضي من طرف الوكيل العام في انتظار صدور القرار للي غيشوفو مناسب.

موضوعات أخرى

22/04/2024 08:00

العصبة الاحترافية وجمهور نهضة بركان دارو استقبال الأبطال للفريق بعد رجوعهم من الجزائر وموقفهم الشجاع اللي زاد فرش الكابرانات

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه