وكالات//

عبر المممثل الميريكاني المشهور براد بيت على الغضب والاستياء ديالو والاستنكار من واحد الجريمة وقعات في فرنسا وقعات الضحية ديالها آن، ونصب عليها شخص بالاسم ديالو.

وهضر الناطق باسم براد بيت  ووصف الجريمة بانها مروعة، وطالب الناس انها ترد البال من هادشي.

وتعرضات فرانساوية سميتها آن وعندها 53 عام للنصب من واحد خونا دار كونط باستعمال الذكاء الاصطناعي باسم بارد بيت.

وبدا النصاب كيدور على الضحية من عام 2023، فين دخلها من باب انه هو الوالدة ديال براد بيت، وطور معاها العلاقة حتى قال ليها بأنه شرا ليها بزاف ديال الكادوات من ماركات عالمية.

وقدر النصاب انه يقنعها انها تسيفط ليه اكثر من 800 الاف دولار باش باش يدير عملية حيت فيه الكونصير د الكلاوي، وهو مبلوكين لي كونط ديالو بسبب المشاكل د الطلاق من انجلينا جولي.