كود – كازا ///

كيعيش محيط مدينة سبتة والمناطق الساحلية اللي حداها على إيقاع استنفار كبير بين البوليس والقوات العمومية بسباب نشاط مشبوه لمافيات الاتجار ف البشر والحريگ على شبكات التواصل الاجتماعي، بعد ارتفاع وتيرة البوسطات اللي فيها دعوات للتنسيق الجماعي بين الحراگة ليلة راس العام.

وقالت تقارير إخبارية، أن هاد الدعوات المشبوهة تزايدات بكثرة عبر الفيسبوك والواتساب، وكتهدف تحركات د البوليس والمخازنية إلى منع محاولات اقتحام الگرياج الرابط بين المغرب وسبتة من طرف عصابات الحراگة بحال كيف جرى ف البوناني ديال 2022.

وحسب المصادر ذاتها، تم تشديد المراقبة على مختلف المحاور الطرقية ووضع حواجز وتعبئة دوريات مراقبة التحركات والتجمعات المشبوهة.

وكتن ف ليلة البوناني ديال العام الفايت، حاولو المئات من الحراگة استغلال فرصة الاحتفالات برأس السنة الميلادية لتفيذ خطة العبور، لكن قوات الأمن حبطات المحاولة ديالهم..