الرئيسية > آش واقع > ها اخر تفاصيل فضيحة الاستغلال الجنسي بمركز اجتماعي بطنجة والمتهمين الصبلونيين ردو عبر “إل اسبانيول”
09/12/2021 06:00 آش واقع

ها اخر تفاصيل فضيحة الاستغلال الجنسي بمركز اجتماعي بطنجة والمتهمين الصبلونيين ردو عبر “إل اسبانيول”

ها اخر تفاصيل فضيحة الاستغلال الجنسي بمركز اجتماعي بطنجة والمتهمين الصبلونيين ردو عبر “إل اسبانيول”

كريم الصوفي – كود//
[email protected]

طالبت جمعية “ما تقيش ولدي” بتعاون القضاء الاسباني في التحقيق الجاري على فضيحة الاستغلال الجنسي بالمركز الاجتماعي الصداقة بحي بنديبان بمدينة طنجة واللي كانت سابقا كتحمل اسم (الجمعية الاسبانية “PAIDEIA”). المتهمين ف هاذ القضية، 2 صبليونيين بـ “الاعتداء الجنسي وسوء معاملة القاصرين” لمدة سنوات. جمعية “ما تقيش ولدي” كتدرس خيار تقديم شكوى أخرى في المحاكم الإسبانية ضد المتهمين الرئيسيين.

هاذ المتهمين خرجو عبر جورنال “إل اسبانيول” ونفاو كلشي وكلفو محامي ف المغرب لتقديم شكوى تشهير إذا تم فتح تحقيق رسمي ضدهم. احد المتهمين قال ان “نزلاء المركز دابا كاين منهم اللي كيدرس ف الجامعة وكاين اللي تزوج وعندو أسرة وناجحين ف حياتهم وكانوا كيخرجو مع سكان الحي ف نزهات أسبوعية وكانت عندهم الفرصة باش يهضرو على هاذ الاعتداءات المفترضة، علاش حتا ولات عندهم 25 عام عاد بداو كيهضرو على حوايج ما كيناش”، يقول أحد المتهمين الاسبانيين.

وأضاف متهم أخرى ل “إل اسبانيول”، أنه غادر المغرب ف 2011، ودابا كيشوف أطفال بانو ف وسائل الإعلام ما كيعرفهش وهاذ الاتهامات أثرات عليه بزاف ف حياتو وفخور بالخدمة اللي تدارت ويقدر اي واحد يسول سكان الحي على الجمعية والعمل ديالها مع هاذ الوليدات. وصدمت تصريحات ضحايا الجمعية ف برنامج “بيدوفيليا” ديال إذاعة كاب راديو، الرأي العام المحلي والوطني.

وقالت تقارير اخبارية، أن المركب الاجتماعي “الصداقة”، هو ثمرة شراكة بين حكومة الأندلس ومؤسسة التعاون الوطني، وكيقدم خدمات اجتماعية للقاصرين المشردين واليتامى اللي كانو ضحية للاستغلال الجنسي من طرف مواطن اسباني، كان كيشرف على الجمعية، قبل تسليم الاشراف عليها لمنسقة جهوية للتعاون الوطني، ثم لاحقا إلى مندوب جهوي سابق بمؤسسة التعاون الوطني.

https://www.elespanol.com/espana/20211208/ong-marroqui-denuncia-espanoles-pedofilia-justicia-espanola/632937747_0.html

موضوعات أخرى