أنس العمري///

من المقرر تبدا نهار 2 دجنبر الجاي المحاكمة ديال جوناثان هاروش، مول سلسلة القاعات الرياضية المعروفة بـ”سيتي كلوب”، قدّام الغرفة الجنائية بمحكمة الاستئناف فكازا.

هاد التاريخ تحدد بعدما تعطا وقت كافي لدفاع المتهم يوجد راسو، وباش يستدعيو الناس اللي دايرين دعاوى مدنية ضدو.

وجوناثان هاروش متابع بتهم ثقيلة، بحال “الاتجار فالبشر، وتعاطي المخدرات، وجرائم خرا”.

وخلال التحقيقات، نفى كلشي التهم اللي توجهات ليه وقال باللي ما عندو حتى علاقة بهاد الأمور.

وكان تشد بناء على مساطر فيها مذكرات بحث بسبب شيكات بلا رصيد بملايين الدراهم، وزادو لقاو عندو 2.5 غرام من الكوكايين وهو فغرفة فواحد لوطيل مع جوج ديال البنات.