گود سبور//

من المنتظر يرجع حكيم زياش السيمانا الجايا للمغرب، باش يبدا يوجد مع الوداد الرياضي للماتشات اللي جايين فالبطولة الاحترافية.

حكيم زياش اللي مشى لهولندا يبدل الجو، بعدما توعت فماتش الوداد الرياضي والفتح الرياضي قبل جوج سيمانات، من المتوقع يرجع لكازا الاثنين الجاي، باش يبدا بروگرام ديال اعادة التأهيل من الإصابة.

وغاب حكيم زياش على الجوج ماتشات اللي فاتو ديال الوداد الرياضي ضد كل من الدفاع الحسني الجديدي والمغرب الفاسي، والفريق محتاج للخدمات ديالو، خصوصا مع انعدام الاستقرار فالنتائج.