كود -وكالات //

توفات الممثلة الأمريكية هايدن بانتير على  36 عام، فخبر صدم الوسط الفني وهوليوود، خصوصاً أنها كانت من الوجوه المعروفة عند جمهور المسلسلات والأفلام الأمريكية والسبب الموت مزال ممعروفش.

هايدن بانتير بدات المسيرة الفنية ديالها وهي صغيرة، وحققات شهرة عالمية خصوصاً من بعد الدور ديالها فمسلسل «Heroes»، فين لعبات شخصية كلير بينيت، الشابة اللي كتكتشف بلي عندها قدرات خارقة.

وزادت سجلات اسمها فمسلسل «Nashville»، فين لعبات فيه دور المغنية جولييت بارنز، وهو الدور اللي جاب ليها جوج ترشيحات لجوائز «غولدن غلوب». كما شاركات فعدد من الأفلام، من بينها «Scream 4» و«Remember the Titans»، وخدمات حتى فمجال الأداء الصوتي.

وفآخر السنوات، كانت بانتير رجعات تدريجياً للواجهة الفنية، ونشرات مذكراتها «This Is Me: A Reckoning»، اللي هضرات فيها بصراحة على مراحل صعيبة دازتها فحياتها. وفاتها المفاجئة فهاد السن الصغير خلات جمهورها وزملاءها فصدمة كبيرة.