وكالات //

قدمات النيابة المصرية، نهار السبت، المطرب المصري المعروف هاني شاكر، على محكمة الجنايات بسباب واحد الدعوى ترفعات ضدو بتهمة السب والقذف.

لي تاهم هاني شار، لي هو النقيب السابق ديال الموسيقيين المصريين، هو النائب أحمد دياب، رئيس رابطة الأندية المحترفة دكرة القدم المصرية، وجا هادشي ف التعليق ديالو على واحد التسريب ديال مكالمة ديالو مع مرتضى منصور، الرئيس السابق ديال الزمالك.

ومباشرة بعدما خرجات التسريبات ديال المكالمة الهاتفية بين النائب أحمد دياب، ومرتضى منصور، خرج هاني شاكر بواحد البوسط كيهاجمهوم بجوج ففيسبوك، وهو شي لي عتابروه سب وقذف ضدهم.