گود سبور//

نوه النجم النرويجي ايرلينگ هالاند لاعب مانشستر سيتي النگليري، بصحابو فالفرقة، المغربي ايوب بوعدي، بعد ماتش بورتو البارح الثلاثاء ضمن منافسات دوري أبطال أوروبا.

وقال ايرلينگ هالاند على ايوب بوعدي فتصريح له بعد الماتش ضد بورتو: “دار ماتش مزيان بزاف، وحتى فالتداريب اللي دازو، وقلت لرئيس النادي انه كان واعر فالتداريب وكايبان ليا لقينا جوهرة”.

وكمل هالاند: “ولكن كان خاصو يلوح ليا الكورة فالشوط الثاني، كنت غير بوحدي داكشي علاش كنت كاعي شويا، غادي نقولها له دابا، وراه لعب ماتش مزيان باستثناء هاديك الكورة”.