كود الرباط//

خرجات مجموعة “GenZ212” فمنشور فالسيرفر ديالها على “ديسكورد” وعلنات أنها هاكات الموقع الإلكتروني ديال واحد من الأدمينات لي كان، حسب كلامهم، كيجمع التبرعات بعملة البتكوين وكيستغل اسم الحركة فـ “أغراض شخصية”.

فالتدوينة اللي داروها، المجموعة قالت بالحرف: لمن يتاجر بقضايا الوطن نحذره… صورك وبياناتك كلها بين أيدينا الآن! سنفضحك أمام أبناء وبنات الوطن لتكون عبرة لغيرك.”

الموقع اللي تهاكّ، حسب الصور المنشورة، كان فيه عنوان لجمع الدعم المالي بالبتكوين تحت اسم “7orria.ma”، والهاكرز عرضو صورة “قبل وبعد” للهجوم الإلكتروني، ومعاها توقيع: Hacked by GenZ212.

كاينا أسئلة كثيرة على تصفيات الحسابات داخل هاد الكروب، وعلى مصير الفلوس اللي تجمعات باسم التضامن الشعبي مع الاحتجاجات.