وكالات//
بيراطاو هاكرز الكونط ديال السيدة الأولى في البرازيل روزانجيلا دا سيلفا، مرات الرئيس ديال البلاد، المعروفة باسم “جانجا”، على موقع “إكس” ونشرو ليها شي بوسطات كيسبو فيها العيالات.
وبعد ساعات من الاختراق ديال الكونط ديالها، وقف الحساب لي كيتابعو 1.2 مليون واحد ف خطرة وحدة، بعدما تدخل البوليس ديال البرازيل.
بعد هاد الواقعة، خرج الرئيس براسو لويز إيناسيو لولا دا سيلفا كيعبر على الشكر ديالو للناس لي تضامنو معا مراتو بعدما بيراطاو ليها الكونط ديالها، وكيقول أنها كتدفع دابا الضريبة ديال الدفاع ديالها على العيالات.
من جيهتها قالت السيدة الأولى في البرازيل أن هاد الاختراق هو دليل آخر على المضايقات لي كتتعرض ليها حينت هي فيمينيست.