الرئيسية > آش واقع > هاكاوا على كيندي زمانو. وشوفو قلة لحيا ديال هاد مبديع .مقرب منو لـ”كود”: كيستهدفوني وقضيتي مازال فالتداول وما كاينش تغريم لجطو ليه ب600 مليون
19/02/2021 20:30 آش واقع

هاكاوا على كيندي زمانو. وشوفو قلة لحيا ديال هاد مبديع .مقرب منو لـ”كود”: كيستهدفوني وقضيتي مازال فالتداول وما كاينش تغريم لجطو ليه ب600 مليون

هاكاوا على كيندي زمانو. وشوفو قلة لحيا ديال هاد مبديع .مقرب منو لـ”كود”: كيستهدفوني وقضيتي مازال فالتداول وما كاينش تغريم لجطو ليه ب600 مليون

احمد الطيب كود الرباط//

هاد محمد مبدع ما كيحشمش. حتى هو ولى كيقول راه مستهدف. وشفتو فين وصلنا. هادا اللي دار عرس وكون كانت عندنا ادارة ضرائب كدير خدمتها كون نزلات عليه بالملايير. فعرس ولدو بين باللي عايش فعالامو. اييه طلع وبعد على لمغاربة وباش مشى عندو المجلس الاعلى للحسابات كتاشف لعجب.

هاد مبدع نفى يكون المجلس الأعلى للحسابات غرمو 600 مليون وقال مقرب منو ل”كود” ان “المجلس الاعلى للحسابات ما داولش نهائيا هاد الموضوع”. هاد مبديع قال باللي خاص احترام المسار القضائي لقضية رئيس جماعة الفقيه بنصالح”.

واتهم ذات المصدر في اتهام مع “كود” أطراف سياسية باستهدافه (دون تسميتها) مع قرب الاستحقاقات الانتخابية.

هاد المقرب لهاد السياسي ما عندوش علاش يحشم. زاد وقال باللي “هناك محاولة بعض السياسيين التأثير على قضية مبدع بطرق ملتوية لن تفيد”.

كيكذبو علينا هاد السياسيين باش يجبدو احترام المؤسسات. شوفو غير عرسو وشحال خسر عليه. شوفو غير كيفاش سير هاديك الجماعة باش تعرفو اش من عينة هاد مبديع اللي فيه كلشي الا الابداع

موضوعات أخرى