كود هناء ابو علي ///

علمت “كود” ان الرجل القوي فوزارة الداخلية فكازا توفيق بنعلي مدير الوكالة الحضرية للعاصمة الاقتصادية دار فطور البارح الجمعة 7 ابريل 2023 فطور فدارو وعرض على عدد من عمال المقاطعات فكازا وبعض الطاشرونات غالبيتهم من اكادير اللي كان خدام فيها.

وفق مصدر “كود” فمدير الوكالة الحضرية مول فضيحة بوسكورة٬ عرض على عمال مقاطعات منهم النواصر والحي الحسني… بالاضافة الى طاشرونات من اكادير كيعرفهم باش كان تماك.

دابا هاد مدير الوكالة الحضرية داير راسو من راس سيدنا. محمد السادس فكازا وهو كيدير لفطورات وكيعرض على رجالات الدولة.

بنعلي مول فضيحة بوسكورة كيف قلنا باش عطى لطاشرون اسمو الخيمة استثناءات فمشروع كان ديال الطاهر مول الكتبية واللي باش رفضو ليه السكن الاقتصادي اضطر يبيع. بعدها حصل هاد مول الفضايح فالتعاونيات على 3500 شقة فالسكن الاقتصادي مع امكانية بيع بقع. سابقة ما عمرها كانت.

وفنفس الوقت عطى هاد المدير رخص مخيرة لمشروع قدمو نوطير ولى برلماني من حزب التراكتور. بنعلي كان رفض يعطي نفس الرخصة لمستثمر عامين وهو خدام وقبلو رفض يعطيها لبرلماني طاشرون كان انتاقدو

هاد بنعلي ماشي ولى غير قوي فكازا٬ داير راسو ملك كاع. يعرض ويفطر ويدير اجتماعات ويقصي اللي ما عندوش معاه كيف دار فهاد العشا اللي ما حاشاهاش لعامل انفا

تصورو هادا مع هاداك الوالي خرجو علي كازا. والي ما كيخرجش من مكتبو حتى جا سيدنا لكازا والثاني مدور بيه قاضي قديم وشي وحدين كيقولو باللي من الدولة العميقة.