وكالات//

منوض الرابور الميريكاني المعروف ليل زان، روينة في البلاد بعدما بارطاجاو ليه فيديو وهو كيضرب واحد من المعجبين ديالو.

هادشي وقع فوسط الكونسير ديال واحد الحفلة ديلاو فين ركل واحد ‘الفان ديالو” وهو كيغني.

وقالت بزاف ديال التقارير الصحفية الميريكانية بللي البوليس حلو أونكيط في القضية ودابا كيقلبو على الرابور الشاب لي بدا كيتشهر في ميريكان.

وكأتكد نفس التقارير أن الرابور زان هرب من لاصين لي كان كيغني فيها مباشرة بعدما ضرب هاد المتفرج.

ومشا الشاب الضحية ديال هاد الاعتداء مباشرة للبوليس ودار محضر، وكشف فيه أن الواقعة طرات في واحد الملهى ليلي سميتو “رويال” في “بوسطن”.