كود سبور//

حيحو جمهور المغرب الفاسي على لوزير المهدي بنسعيد رئيس فريق اتحاد يعقوب المنصور، بسبب الحصة الصغيرة اللي خصصها لهم فماتش الفريقين الجمعة المقبل فالتيران الأولمبي بالرباط برسم الدورة 13 من البطولة الاحترافية.

وأعلن گروب “فتال تايگرز” المساند للمغرب الفاسي مقاطعة ماتش الفريق ضد اتحاد يعقوب المنصور، بسبب العدد الهزيل اللي خصصوه لهم الفريق الرباطي، فماتش الفريقين.

للإشارة فجمهور المغرب الفاسي كثر بزاف من جمهور اتحاد يعقوب المنصور، اللي هو فريق ديال حومة الوزير المهدي بنسعيد فالرباط والمشجعين ديالو قلال وبزاف، وراه هذا أول عام كايلعبوه فالقسم الاول وتعرف الفريق بالنشاط فقسم الهواة.