وكالات//

أعلنت سلطات الجمارك فمطار شاتراباتي شيفاجي الدولي فمومباي أنها شدّات راكب جاي من تايلاند، كان كايحاول يهرّب 16 حيّة (حناش) داخل الشنط ديالو، فواقعة اللي خلات موظفين الجمارك يتفاجئو بزاف.

مسؤولين ف الجمارك قالو فبيان خرجوه فمنصة “إكس” (تويتر سابقًا)، أن العملية وقعات نهار الأحد 29 يونيو، وكتدخل فإطار حملة لمحاربة تهريب الحيوانات البرّية، وأضافو أن التحقيق مازال جاري مع هاد المسافر.

الحناش اللي تشدّو ماشي سامّين وما كيهددوش حياة البشر، وضمنهم: ثعبان الرباط، وثعبان كاليفورنيا الملكي، وثعبان الجرذ وحيد القرن، والأفعى الرملية الكينية، وزيد عليهم حناش آخرين اللي غالباً كيتباعو فأسواق الحيوانات الأليفة، حسب شبكة CBS.

وهاد الحادثة هي ثالث حالة تهريب بحال هادي كتوقع فمطار مومباي فشهر واحد فقط. فبداية يونيو، شدّات السلطات راكب آخر جاي من تايلاند ومعاه 44 حيّة من نوع “بيتب” الإندونيسية، وثلاثة حناش سامّين، وخمس سلاحف آسيوية من النوع الورقي.

كما حاول راكب ثالث تهريب نحو 100 حيوان حي، من بينها سحالٍ وطيور نادرة وأبوسوم، وهي كائنات مهددة بالانقراض.