تدوينة الاستاذ عبد اللطيف اگنوش///
بنادم كايضرب أخماس في أسداس على “الخدمة العسكرية الإجبارية”، وكايناقش واش هاذ الخدمة غادية تخلق مواطن واعي وقاري وكايحب الوطن ديالو ويتعللم شي حرفة، وشلا هضورات ديال الخخرا!
آآآآآآ سمع آ بوعزة…العسكر الآن راه اصبح احترافي واصبح مؤسسة تقنية بامتياز، ومفهوم العسكر للي كايعاود ليك عليه جدك، راه مابقاش هاذي قرن وزمارة، ونوض باركة من التكفات الفكري والهضورات الناقصة…
العسكر مابقاش محتاج للعضلات ديال البعارر يصاوبو الطرقات والسبيطارات والقشالي، ويتعللمو يصببنو حوايجهوم وسراولهوم وكًراصنهوم، واااا لا…دابا الجيش محتاج لناس مكوونين بزاااف، ولناس قارين بزززاااف، وناس عندهوم شواهد عااالية بزاااف، وماشي بالهيشر للي خايذ “ماستر ديال الخخرا” باللغة العربية، وماكايعرف حتى وزة، واجمع عليا راسك وسير اسكت…
دابا أكثر ما يمكن يتعللموه هاذ “البخوش” ديال دابا من العسكر، هو النشيد الوطني، وشي تربية وطنية مدررحة بالدين الإسلامي ديال البعر، يعني بالعربية التكلاخ المبين وصافي!!
هاذا ماكان وغادي يكون من “الخدمة العسكرية”، وبه وجب الإعلام، والسلام!!!!
