وكالات//
طلق واحد الدري صغير عمرو غير 8 سنين الرصاص على وجهو، ولحسن الحظ مماتش، ولكن حالتو الصحية ماشي مستقرة، على حساب ماقال البوليس ديال مدينة وارن بولاية ميشيغان الأمريكية.
وكيقول البوليس أن الفردي لي استعملو هاد الدري الصغير يمكن غير مؤمن، يعني أن ديك البطونة ديال الأمان لي فيه كاع ماخدامة.
ونقلات شبكة “سي إن إن” الميريكانية، تصريح ديال واحد من الجيران ديال الدري الصغير ولي قال أنه سمع صوت الطلقة وفين جا للدار لقا الدري الصغير فحالة خطيرة بزاف.
وقال مصدر في البوليس أن الدري مللي وصلو ليه لقاوه مزال حي وكيتنفس وفكامل الوعي ديالو، ولكن أكد أن الحالة ديالو مزال صعيبة.
