الرئيسية > آراء > هاد المهزلة خاصها توقف.. واش “لالة العروسة” برنامج مسابقات ولا معمل تصنيع مؤثرات مواقع التواصل
21/05/2020 20:00 آراء

هاد المهزلة خاصها توقف.. واش “لالة العروسة” برنامج مسابقات ولا معمل تصنيع مؤثرات مواقع التواصل

هاد المهزلة خاصها توقف.. واش “لالة العروسة” برنامج مسابقات ولا معمل تصنيع مؤثرات مواقع التواصل

نجوى المالحي-كود//

ما بقيناش عارفين واش برنامج “لالة العروسة” هو برنامج مسابقات كيتوج في الأخير فائز، ولا برنامج الهدف منو أنه كل عام يخرج لينا عرام ديال المؤثرات في انستگرام وفيسبوك ويوتوب.

هاد المؤثرات ، لي معمرين مواقع التواصل، وفينما ضرتي تلقاهم، الأغلبية خريجات لالة العروسة، ولي تقصات في شي حلقة كتجي تحل قناة في يوتوب وتبدا دخل فلوس صحيحة.

وطبعا هاد المؤثرات قالبين حساباتهم لسوق كبير والملايين كتتشاير، والمصدر ديالهم هو بيع الوهم لبزاف ديال الناس لتضخيم عدد المتتبعين بمقابل كيوصل لـ500 درهم.

دائما حنا كنقولو بأننا ماشي ضد حرية التعبير، وانه ماشي من حق حتى واحد يمنع شخص اخر من ينشر فانترنيت حيت فضاء حر، وخاصة حتى واحد مايمكن يحكم على ان المضمون تافه ولا ولا، حيت هادشي كيبقى اذواق، ولكن الوضع فعلا بدا كيخرج على السيطرة، حيت هاد البيع والشرا يقدر يكون فيه النصب، وهنا يمكن خاص الدولة تدخل وتقنن هادشي.

موضوعات أخرى