وكالات//

مزال ما بغاش يسالي العرس الأسطوري ديال ولد الملياردير الهندي أنانت أمباني ومراتو راديكا ميرشانت، وهاد المرة داز للجزء الثاني ديالو لي كيتدار دابا في الطاليان.

عائلة المليادير دارت الجزء الثاني ديال العرس لي سماتو La Dolce Vita Event في مدينة بورتوفينو Portofino وكراو خليج على قدو لساعات طويلة بالأوطيلات ديالو وحتى الريسطوات، ومنعو السياح أنهم يوصلو ليه لساعات طويلة بزاف.

وحضر لهاد الجزء الثاني من العرس بزاف ديال المشاهير من “بوليود” بحال شاروخان وعائلتو، رانبير كابور، جانفي كابور، كيارا أدفاني، سيدهارت مالهوترا، أنانيا باندي وسارة علي خان، ودار نجم الأوبرا الإيطالي أندريا بوتشيلي الحفلة بالأغاني الرومانسية المعروفة ديالو.