وكالات //

غادي يعيش العالم، نهار الأربعاء 13 يوليوز، واحد الظاهرة فلكية غيبان فيها قمر عملاق، لأنه غادي يكون قريب بزاف من الأرض.

وقالو الباحثين فعلم الفلك، بللي غادي يطلع قمر عملاق مع غروب الشمس نهار الأربعاء الجاي، وهي أول ظاهرة غادي توقع فالصيف الفلكي هاد العام.

وغادي يبان فهاد الظاهرة القمر كبير بزاف ومضوي مزيان، وهادي هي المرة الثانية اللي غادي يبان بهاد الشكل ف2022، لكن مزال مرة أخرى مشابهة غتعاود هاد العام.

وكيتوقعو العلماء بللي نفس الظاهرة غادي تتعاود للمرة الثالثة ف2022 فالشهورا اللي مزالين قبل ما يسالي هاد العام.