الرئيسية > آراء > هادي هي لي ماعندو زهر ماعندوش تا فخلا دار بوه ! علاش غادي تمنع مغربية من دخول اندونيسيا و الامارات و شي دول عاد قطر بيهم السقف ؟
22/03/2019 13:00 آراء

هادي هي لي ماعندو زهر ماعندوش تا فخلا دار بوه ! علاش غادي تمنع مغربية من دخول اندونيسيا و الامارات و شي دول عاد قطر بيهم السقف ؟

هادي هي لي ماعندو زهر ماعندوش تا فخلا دار بوه ! علاش غادي تمنع مغربية من دخول اندونيسيا و الامارات و شي دول عاد قطر بيهم السقف ؟

سهام البارودي – كود//

هادي هي لي ماعندو زهر ماعندوش حتى فخلا دار بوه.

شحال من مرة كانسمع على مغربيات تمنعوا انهم يدخلو لشي دولة خصوصا الدول العربية ! و شحال من مرة سمعت على صحفية او موظفة او فنانة ماعطاوهاش الفيزا باش تمشي لشي دولة عربية ! او عطاوها الفيزا و فاش وصلات شدوها البوليس تما و دوروها و بداو كايطلعوها عليها …، و اليوم غانقرا على قصة مغربية منعوها البوليس انها تدخل لإندونيسيا علاش ؟ حيت بالنسبة ليهم المغربيات كايمشيو لتما باش يقحبو !

بغض النظر على صحة القصة او لا ! الواقع كايقول انك لا كنتي مغربية شابة و غير متزوجة و بغيتي تسافري لشي دولة فحال الامارات مثلا راه ديك الدولة غاتشوفك كقحبة و غاتعامل معاك كقحبة !

كوني طبيبة ! كوني موظفة ! كوني سائحة باغا تسافري برزقك ! كوني شكون مابغيتي غايتعاملو معاك على اساس راك غادية تقحبي تما

ماشي مصيبة كحلة هادي كاتعيشها المغربية ! هادشي راه فات القرون الوسطى ! فحالا مكتاب عليك كمغربية تعيشي الحگرة فالداخل و فالخارج و فين ماحطيتي رجليك !
فالداخل راكي عايشة و ماعايشاش ! محرومة من الفضاء العمومي ! محرومة من الأمن ! محرومة من الشواطئ العمومية ! و مل الفوق عايشة وسط قوانين قروسطية كاتأطر ليك حياتك ! ماتلبسيش ! ماتعريش ! ماتصاحبيش ! ماتنيكيش !

و حتى فاش كاتبغي تحطي رجليك فشي دولة لي ماشي تا شيييي دولة فحال اندونيسيا ! يتعاملو معاك بدونية !

علاش آ سيدي ربي ؟ آش درت فملك الله ؟ غير أنك تتزادي كمرا فدولة من دول العالم الثالت راها تمرميدة ! إعاقة خاصك تقاتلي معاها كل نهار ! و عاد تزيد عليها انك امرأة مغربية لي گاع ” الأشقاء” كايشوفو فيها ” قحبة” ! دوبل روشارج ديال السخطة و الصگوعية !

راه هادي هي لي ماعندو زهر ماعندو حتى فخلا دار بوه.

موضوعات أخرى