وكالات//

تنشرات الصورة الرسمية الجديدة ديال السيدة الأولى الميريكانية ميلانيا ترامب، ولي صوراتها المصوّرة البلجيكية ريغين ماهو، المعروفة بتصوير عائلة ترامب لمدة كتزيد على 20 عام.

الصورة تشدات في الغرفة الصفرا ف البيت الأبيض، وكان هادشي بعد يوم منما خدا راجلها، دونالد ترامب، منصب الرئاسة.

فالصورة، ميلانيا كتبان لابسة بدلة كحلة وقميجة بيضة، ويديها على طاولة عاكسة، مع ظهور نصب واشنطن التذكاري في الخلفية.

وحسب “غويندولين دوبوا شاو”، مديرة قسم تاريخ الفنون بجامعة بنسلفانيا، هاد الصورة كتعكس رسالة واضحة كتتعلق بالسلطة والاستعداد لتحمل المسؤولية، مع التركيز على الأناقة والانضباط.

وزادت  شاو: “وضعية ميلانيا مور الطاولة العاكسة كتبرز قدرتها على التوازن بين الغموض والتواصل المباشر، وهاد الشي كيعطيها طابع فريد كيختلف على الصورة التقليدية للسيدات الأُولات”.