الرئيسية > كود-تيفي > هادي ميزوجينية وإهانة.. أردوكَان كَلس مع رئيس مجلس أوروبا وخلا رئيسة المفوضية الاوروبية بلا كرسي – فيديو
07/04/2021 23:00 كود-تيفي

هادي ميزوجينية وإهانة.. أردوكَان كَلس مع رئيس مجلس أوروبا وخلا رئيسة المفوضية الاوروبية بلا كرسي – فيديو

هادي ميزوجينية وإهانة.. أردوكَان كَلس مع رئيس مجلس أوروبا وخلا رئيسة المفوضية الاوروبية بلا كرسي – فيديو

كود – وكالات//

تفاجآت رئيسة المفوضية الأوروبية، أورسولا فون دير لايين، بسبب عدم تخصيص كرسي ليها إلى جانب الرئيس التركي رجب طيب اردوكَان، ورئيس مجلس الاتحاد الأوروبي شارل ميشال، فاجتماع انعقد فأنقرة لبارح الثلاثاء، وقالت انها عطات الأولوية للجوهر وماشي للبروتوكول.

وبينات صور تلفزيونية القاعة اللي اجتمعو فيها اردوكَان مع الضياف ديالو الأوروبيين، وكان فيها جوج كراسا قدام العلمين التركي والأوروبي، بحيث كَلس اردوكَان على كرسيه وجنبو ميشال، وبقات فون دير لايين كاتشوف بخيبة امل واضحة، وكَلسات فاللخر فأريكة بعيدة شوية على الرجلين، والاجتماع دام ساعتاين ونص.

وقال المتحدث باسم رئاسة المفوضية، إيريك مامر، أن أهم شيء هو أن رئيسة المفوضية كان خاصها تكَلس  بنفس الطريقة باش كَلسو لخرين، وفون دير لايين تفاجآت بهذ الترتيبات، لكن فضلات ماتعطيش لهذشي اهمية وتهتم بالمضمون، لكن دارت اتصالات باش هذشي مايتكررش مرة خرى.

موضوعات أخرى

21/04/2021 21:00

رمضان وكونفينمون (الحلقة 7).. مينة بوشكيوة فحوار مع “كود”: ماكنصومش وبزاف من الجيل الجديد كيفطرو رمضان.. وأنا كون جاو عليا 50 فالمية ديال الجوامع فالمغرب يسدوهم