أحمد الطيب ـ كود الرباط//
من غرائب المؤتمر الوطني الحادي عشر لحزب التقدم والاشتراكية، اللي انتهى بولاية رابعة لنبيل بنعبدالله، اعتماد التصويت الالكتروني.
الناس اللي حضرات المؤتمر كالت، لـ” كود”، باللي الحزب دار معازل فيهم 8 ديال الحواسب باش أعضاء اللجنة المركزية يصوتوا بشكل إلكتروني.
علاش دار نبيل هاذ الطريقة واخا مكانش محتاج ليها، وواخا الحزب مكانش عندو مرشحين للأمانة العامة من غير نبيل؟.
كاين اللي كان حاضر فالمؤتمر وتهكم باللي هاذا هو البديل الديمقراطي التقدمي.
تفسير آخر تعطا لهاذ العملية هي أن الحزب تعاقد مع شركة ب 15 مليون على هاذ الخدمة، قبل ما يفتح باب الترشح ومن بعد فتح باب الترشح تبين ان لا أحد باغي ينافس نبيل.
داكشي علاش نبيل تمسك بها كضمانة زعما للشفافية وكان التصويت كيخير المصوتين بين التصويت لنبيل أو لا أحد.
