الرئيسية > تبركيك > هادي مزيانة.. اختراع جيلي ديال الثوب كيعاون الناس المشلولين على الحركة
07/07/2022 00:00 تبركيك

هادي مزيانة.. اختراع جيلي ديال الثوب كيعاون الناس المشلولين على الحركة

هادي مزيانة.. اختراع جيلي ديال الثوب كيعاون الناس المشلولين على الحركة

وكالات //

اخترعو باحثين من المعهد التقني الفدرالي فزيوريخ السويسرية جيلي ديال الثوب ممكن يلبسوه الناس اللي حركتهم محدودة بسباب الشلل، باش يعاونهم كطبقة مساعدة للعضلات.

هاد الجيلي  سماوه “إكسو ماسل” (Exo Muscle)، وكيزيد قوة الطرف الفوقاني ديال الجسم  والقدرة على التحمل عند الناس صحاب الحركة المحدودة، فحال اللي مصابين بالشلل.

هاد الجيلي كيعتامد على ألكَوريتم ذكي، ومستشعرات كاينين فالثوب باش يتعرفو هلى الحركات اللي باغي يدير الشخص اللي لابس الجيلي وهكذا غادي يعاونوه باش يديرها.

وكاين فالجيلي واحد الموطور صغير كيحرك واحد السلك فالثوب اللي فشكل موازي للعضلات وهكذا كيدعم الحركة اللي باغي يديرها الشخص اللي لابسو.

موضوعات أخرى