وكالات//

لقات واحد الدراسة جديدة داروها علماء ميريكانيين أن الأفيال كتتواصل بيناتها بحال الإنسان باستعمال الاسم ديال كل واحد.

ونشرات مجلة “نيتشر” العلمية المشهورة هاد الدراسة لي ترأسها عالم الأحياء مايكل باردو، ودارها في دولة كينيا المعروفة بالأفيال.

وقال باردو أنه بعد أيام طويلة من المراقبة والتتبع لقاو أن هاد الأفيال مكتتاواصلش بيناتها كيفما الحيوانات الأخرى بصوت واحد، وإنما بأصوات مختلفة.

وهاد الخلاصات لقاوهوم مللي كيدير شي فيل شي صوت مكيدوروش كاع الفيلة وإنما كيدور فيل واحد، يعني أنه هو المعني، بحال ايلا سمع سميتو.