كود الرباط//

كاينين رؤساء فرق برلمانية مكيحشموش، ومخليين برلمانيين مدانين فقضايا فساد مالي، ومداروش بحال “البي بي اس” لي دار خطوة سياسية بينات على أنه حزب حي وقوي ورسل مساج فهاد الدخول السياسي، مللي منع البرلماني سعيد الزايدي لي خرج من الحبس هاد الايامات بعدما تحكم فملف فساد مالي.

من الحالات لي تحكمو وغايحضرو، كاين البرلماني عيدودي عبد النبي المعروف بـ”كشة مشة”، والبرلماني الاستقلالي المشهور بـ”امبراطور بوزنيقة” محمد كريمين، لي تحكم بالإدانة فملف فساد مالي، وكذلك البرلماني يونس بنسليمان، لي تحكم بأشهر فملف ديال غسيل الاموال “كوب 22”.

بنسليمان، لي تحكم الخميس 6 أكتوبر الجاري، في ملف غسيل الاموال  بعام موقوف التنفيذ، وغرامة نافذة قدرها 20 ألف درهم مع الصائر والإجبار في الادنى، غايحضر بحيث دار تيست مع باقي النواب.

وقضت الغرفة كذلك بالمصادرة الكلية للأموال موضوع التحويلات التي تلقاها يونس بنسليمان خلال الفترة المحددة في البحث المالي والعائدات الناتجة عنها، دون باقي الممتلكات الأخرى العامة.

وتوبع بنسلميان  في حالة سراح بتهمة تبديد أموال عمومية في الصفقات التفاوضية لكوب22 التي كلفت أزيد من 28 مليار سنتيم.

دبا برلماني تحكم فأشهر قضية ديال غسيل الاموال بالإدانة، غايحضر اليوم البرلمان.. رسالة خايبة  فهاد الازمة.