الرئيسية > كود-تيفي > هادي شوهة زروالية..بيوي رئيس جهة الشرق داير القوالب مع الدولة وفتجمع انتخابي قاليهم: متسجلوش الفيديو حنا مدايرينش التباعد والكمامة
11/07/2021 10:58 كود-تيفي

هادي شوهة زروالية..بيوي رئيس جهة الشرق داير القوالب مع الدولة وفتجمع انتخابي قاليهم: متسجلوش الفيديو حنا مدايرينش التباعد والكمامة

هادي شوهة زروالية..بيوي رئيس جهة الشرق داير القوالب مع الدولة وفتجمع انتخابي قاليهم: متسجلوش الفيديو حنا مدايرينش التباعد والكمامة

كود وجدة//
تسجيل صوتي فجر شوهة جديدة فحزب الاصالة والمعاصرة اللي كيوصفوه عدد من المتتبعين بحزب “ولد زروال” نسبة لمسيرة “ولد زروال” الشهيرة اللي شوهات ديمقراطية بلادنا قبل انتخابات 2016، هاد التسجيل ديال رئيس جهة الشرق عبد النبي بيوي، اللي قال :”ديرو غير تصاور وماديروش فيديو حيث ممحتارمينش التباعد ومدايرينش الكمامة”.

الفيديو

بيوي اللي هو رئيس جهة وكيمثل مؤسسات الدولة، كيضرب فالدولة ويضرب فكاع المجهودات اللي دارت المملكة لمواجهة فيروس كورونا. كيقوليهم فتجمع انتخابي :”متصوروش فيديو حيث مدايرينش كمامة ومدايرينش التباعد”.
بيوي اخر واحد يقدر يهضر على القانون. شفنا فضايحو الكثيرة وشفنا الحكم عليه استئنافيا بالسجن هو وعمر حجيرة فملف عندو علاقة بالفساد المالي. بجوجهم كيخرجو عينهم فالشرق، وكيتحداو الاجراءات الاحترازية.
لبارح لسبت 10 يوليوز تقاسو بالضبط 1566 بالفيروس (رقم قياسي)، وماتو 9، وفالمجموع 870 كيتعالجو. هاد الارتفاع تيكون غالبا بسبب هاد التجمعات غير القانونية. والسلطة مدايراش خدمتها.
هاد الحادثة ديال بيوي فالشرق خصو يتحاسب عليها رجال السلطة المحلية والولاية.

موضوعات أخرى