وكالات//

كيم كارداشيان، نجمة تلفزيون الواقع اللي عندها 44 عام، سالات أخيرًا الرحلة الدراسية ديالها فميدان القانون، بعد ست سنين ديال الخدمة المتواصلة.

كملت كيم برنامج “دراسة مكتب المحاماة” فكاليفورنيا، وهو واحد البرنامج اللي ماشي تقليدي بحال كليات الحقوق، وكيعتمد على التكوين العملي.

البرنامج كيتطلب من اللي كيقرى يخدم تحت إشراف محامي مرخّص على الأقل 18 ساعة فالأسبوع، ولمدة أربع سنين، وخاصو ينجح فامتحانات صعيبة، من بينها امتحان معروف بسميتو “البيبي بار”، واللي كيم دازت فيه من بعد محاولات كثيرة.

وكتقول جريدة “الديلي ميل” أن كيم دارت احتفال بسيط ففناء الدار ديالها، حضرو فيه أفراد العائلة والأصحاب القريبين منها، من بينهم ولادها وخواتاتها كلوي وكورتني، وحتى المعلق السياسي فان جونز.