الرئيسية > آش واقع > هادي الوفاة الثالثة من هاد النوع وفهاد المنطقة.. بنيتة ماتت فالبروج بسبب عضة عقرب
07/09/2020 17:50 آش واقع

هادي الوفاة الثالثة من هاد النوع وفهاد المنطقة.. بنيتة ماتت فالبروج بسبب عضة عقرب

هادي الوفاة الثالثة من هاد النوع وفهاد المنطقة.. بنيتة ماتت فالبروج بسبب عضة عقرب

عفراء علوي محمدي- كود//

بنيتة توفات لبارح الأحد، متأثرة بلسعة عقرب، فمنطقة البروج نواحي سطات.

وحسب المصادر فالبنت اللي فعمرها 11 لعام توفات فقسم المستعجلات فالمستشفى الإقليمي فسطات، بعدما تدهورات الحالة ديالها الصحية.

وهذي ثالث وفاة سجلها إقليم سطات بلسعات العقارب فهذ الفترة وفصفوف البنيتات الصغار، بحيث سبق وتوفات طفلة عندها 6 سنين غير الاثنين اللي فات، وبنيتة خرى فعمرها 5 سنين فمنتصف غشت اللي فات، اللولة من سطات والثانية من منطقة راس العين فالشاوية.

وسبق لساكنة المنطقة خرجو فاحتجاجات كثيرة للتنديد بهذشي، وطالبو الوزارة باش تنقذ الأرواح من هذ الحوادث المأساوية، اللي الضحايا ديالها أغلبيتهم من الأطفال، وتحدث مستشفى خاص بهذ الحالات.

موضوعات أخرى

24/09/2020 21:30

العلمي حدد خطة الانعاش الصناعي 2021/2023: استكشاف اسواق جديدة وجعل المغرب قاعدة عالمية اكثر تنافسية تجاه اوربا والاعتماد الطاقات البديلة