اسماء غربي – كود//

الزيارة ديال الأمير هاري ومراتو الممثلة المعتزلة ميكَان ماركل للمغرب، من الزيارات لي غادي يبقاو متورخين عندنا وفي العالم.

https://www.instagram.com/p/BuPmhZHFY84/?utm_source=ig_web_button_share_sheet

في 3 ايام الدوق والدوقة ديال ساسيكس، تساراو المغرب ومشاو لمراكش والنواحي وللرباط وسلا، وداكشي لي مقدروش يديروه وزارات كبيرة دارتو الزيارة ديالهم، وولى المغرب هو حديث الصحافة الدولية، من الورقي حتى للصوت والصورة.

https://www.instagram.com/p/BuRSofMFSNN/?utm_source=ig_web_button_share_sheet

صور ميكَان بالحنة تصدرو الصفحات الأولى ديال الجرائد الأكثر مقروئية، ودواو على المغرب في أشهر برنامج في ميريكان “كَود مورنينكَ أميريكا” لي كيتبعوه بزاف ديال الناس.

https://www.instagram.com/p/BuTpnfwlRMw/?utm_source=ig_web_button_share_sheet

الزيارة كانت انسانية كثر من سياسية، وبدات السبت بالاستقبال ديال ولي العهد الامير مولاي الحسن، وسلات الاثنين بلقاء الملك محمد السادس وباقي العائلة الملكية.

https://www.instagram.com/p/BuURcQNlT4w/?utm_source=ig_web_button_share_sheet