الرئيسية > تبركيك > هادشي ولا كيخلع.. أم باعت بنتها لعائلة مقابل طوموبيل موديل 1992 !
09/10/2019 05:00 تبركيك

هادشي ولا كيخلع.. أم باعت بنتها لعائلة مقابل طوموبيل موديل 1992 !

هادشي ولا كيخلع.. أم باعت بنتها لعائلة مقابل طوموبيل موديل 1992 !

وكالات-كود//

هاد السيمانة الصحافة العالمية دوات على قصص أمهات ماعندهمش القلب وصادمة بزاف.

قصة اليوم من ولاية كارولينا الشمالية بعدما قامت أم ببيع بنتها لراجل ومراتو مقابل طوموبيل موديل 1992.

شبكة “فوكس نيوز” قالت أن البوليس شدو الأم (45 عام) ومالين الطوموبيل لي قبلو يشريو  بنتها هادي شهرين قبل ما تفرش القصة كاملة بعدما دخلات الطفلة للسبيطار ومن تما بدات التحقيقات.

في الأول السيدة قدمات راسها أنها والدتها، لكن شوية قالت والدتها بالتنبي لكن الناس لي  فالسبيطار ماتاقوش خصوصا انها ماعندها لا ورقة لا جوج، واتاصلو بالبوليس وبانت القصة كاملة.. أنهم خداو البنت من عند مها مقابل طوموبيل من نوع “بلايموث ليزر”.

دابا الأم والكوبل لي خداو البنت تشدو في الحبس وتوجه ليهم تهمة البيع وشراء غير قانونية في قاصر، وغادي يتمثلو قدام المحكمة في 21 أكتوبر.

موضوعات أخرى