وكالات//

قالو والدين ميريكانيين أنهم فقدو ولدهم لي عندو 13 عام بعد ما شارك ف تحدي خطير على وسائل التواصل الاجتماعي، حسب ما ذكرات مجلة “بيبول” الأمريكية.

نهار 3 فبراير، لقاو الوالدين ولدهم “ننامدي جلين أوهاري جونيور” سخفان في البيت ديالو بمدينة موريتا فولاية كاليفورنيا بعد ما دازو اليوم لي قبل كيتفرجو في حفل توزيع جوائز غرامي.

حاولات الأم تنعش قلب ولدها، بينما الأب اتصل بالشرطة باش يجيبو المساعدة، ولكن تم إعلان وفاته في ما بعد.

في البداية، كانو الوالدين كيظنو أنه انتحر، ولكن من بعد التحقيق اكتشفو أن الولد كان يمكن يكون شارك ف تحدي فيروسي مشابه لتحدي “الاختناق” على تيك توك، لي تسبّب فوفاة بزاف ديال الأطفال فالعالم مؤخرا.

وحسب ما أكد الوالدان، كان “ننامدي جونيور” تحت رقابة صارمة فالهاتف ديالو وماكانش عندو حسابات فوسائل التواصل الاجتماعي، وهادشي خلاهم يظنو أنه يمكن تعلم على التحدي من صحابو فالمدرسة.