كود ـ كازا//
رفضو المحامين ديال كازا ينوبو على واحد الضحية تاع واحد معروف بـ”سبيرا سوق دالاس” بالحي الحسني. الضحية تعرض لاعتداء خطير والبوليس تاع الحي الحسني كانوا في المستوى، ما كاين لا باك لا صاحبي، ودارو المسطرة وخا الضغوط نزلات عليهم، حيت قال ليك سبيرا عند وشي ضرسة صحيحة في المحكمة وكلشي تيخاف منو.
دابا هاد سبيرا يلاه خرج من الحبس، حيث كان تعدى على الضحية نيت، وملي خرج مشا نتاقم منو، حقا علاش تديكلاري بيا، وبغا يأخذ ليه بلاصتو في السوق صحا. ودابا شي سيمانا هجم سبيرا على الضحية وتعدى عليه وملي عرف بلي تسبب ليه فهرس في وجهو، هرب وتخبى، قبل ما يشدوه البوليس ويدعي بلي حتى هوا مضروب.
البوليس دارو خدمتهم، حيت شي واحد قال لك تيجيه تاهوا محامي وداكشي علاش المحامين حاماو على المعتدي ومبغاوش يدافعو على الضحية، للي اضطر يجيب تاهوا شي محامي من خارج الهيأة ديال كازا أي من مدينة أخرى.
هاد سبيرا اللي عندو سوابق خاص يكون عبرة، وخاص المحامين ما يبقاوش يديرو ديك انصر أخاك ظالما أو مظلوما، حيث حشوما كاع مظلوم ميلقاش اللي يدافع عليه ويضطر يجيبو من مدينة أخرى وما يترتب عن ذلك من مصاريف.
المهم المحكمة خاصها تكون محايدة، حيث العدل من أسماء الله الحسني، خصوصا أن الضحية معروف بتادرويشت، والتجار كلهم تاع سوق دالاس وقعوا عريضة بلي حكرو وبلي سبيرا محيح ديما وتيتعنى بشي حد.
