وكالات//

مكينش في الصحافة الفرنساوية لي مكيهضرش على واحد القضية جديدة هزات الرأي العام في البلاد، والبطل ديالها هو واحد الزوج سميتو دومينيك بي، والضحية ديالو لي هي مراتو.

القضية هي أن هاد السيد لي العمر ديالو 71 عام، غادي يوقف قدام المحكمة بتهمة أنه دعا اكثر من 80 واحد باش يغتاصبو مراتو ويصورها.

وعتارف المتهم، أنه كان كينعس مرتو بالدوا ديال النعاس وكيجيب الرجال باش يتناوبو على الاغتصاب ديالها وكيصورهم.

وكان من الممكن أن القضية، لي بدات من هادي 10 سنين، تبقى مستمرة، كون ماحصلوش واحد السيكوريتي كيصور العيالات لي لابسات الصايات وشدو ليه البوليس التلفون ديالو، ولقاو فيه اكثر من 80 فيديو ديال مراتو كيغتاصبوها الرجال وهي ناعسة.

على حساب ماقالت الصحافة ديال فرنسا، فالبوليس شدو 50 راجل آخر منهم بوليس ومسؤولين في الجماعات المحلية وصحافيين، وباقين متعرفوش على 30 خرين.

وأكدات نفس التقارير أن هادو لي شدوهوم، كيواجهو حتى 20 عام ديال الحبس.