الرئيسية > تبركيك > هادشي ماخاصش يتسكت عليه. عربي قتل مغربية بسبب “الخيانة” فاسطنبول وصورها ميتة ورخص دم المغربيات وهانهم.. وماغيتحسبش حيت الجريمة د”حفظ الشرف”
17/02/2021 09:00 تبركيك

هادشي ماخاصش يتسكت عليه. عربي قتل مغربية بسبب “الخيانة” فاسطنبول وصورها ميتة ورخص دم المغربيات وهانهم.. وماغيتحسبش حيت الجريمة د”حفظ الشرف”

هادشي ماخاصش يتسكت عليه. عربي قتل مغربية بسبب “الخيانة” فاسطنبول وصورها ميتة ورخص دم المغربيات وهانهم.. وماغيتحسبش حيت الجريمة د”حفظ الشرف”

كود كازا//

تبارطاجا، على مواقع التواصل الاجتماعي، وخصوصا تطبيق واتساب، فيديو مروع لجريمة قتل بشرعة، راحت ضحيتها مغربية مقيمة باسطنبول التركية.

الفيديو، اللي كتتوفر عليه “كود”، قام بتصويرو الجاني – اللي كيقول أن سميتو “كَوران محمد عطا” – بعدما قتل المغربية اللي كانت العشيقة ديالو، وقال أنها خانتو و”لعبات بشرفو”، وانه ” هذا مصيرها بعد هذشي اللي دارت”، كيف قال.

وماشي غير هذشي، الجاني، العربي الأصول، هاجم جميع المغربيات فالفيديو، وقال “حشومة عليهم هذشي اللي كيديرو”، على اعتبار أنهم “خائنات”، ورخص دمهم وهانهم بطريقة مستفزة.

وحسب ما تتوفر عليه “كود” من معطيات، فالجاني عندو أدلة الخيانة، وكان متزوج بها عرفيا، وهذا الزواج معترف به في تركياو وحتى حفظ الشرف مقبول عندهم، وبالتالي غيتحاكم بعامين أو ثلاث سنوات فقط وماغيتحاسبش.

وحسب التفاصيل اللي جابت وسائل إعلام تركية، فاسم الجاني الاصلي هو “ماجد”، وعندو جنسية بريطانية، والجريمة وقعات فمنطقة “الفاتح”، وانه قتل صاحبتو، نهار عيد الحب، بعدما شاف كونفيرساسيون ليها مع شخص آخر، وان الفيديو اللي صور سافطو لداك الشخص، وكتب “هذا جزاء من يسيء إلي”.

وكتبان جثة الضحية “سميرة خ.” فالفيديو مضروبة بأداة حادة فكرشها، ومليوحة فوق الفراش وكلها عامرة دم، وحداها موس من جحم متوسط، بينما القاتل كيعترف فالفيديو بأنه هو اللي قتلها، بلا مايبين وجهو، وقال أنه غيسلم راسو للبوليس.

موضوعات أخرى

07/03/2021 16:30

البروفيسور الابراهيمي عضو اللجنة العلمية: بريطانيا دات حصص المغرب من فاكسان استرازينيكا والصين كاتقطر علينا 500 الف جرعة مرة مرة