وكالات//

فحادث ثاني وقع فأقل من سيمانة، مات مصري بسباب الكلماتيزور ديال الطوموبيل ديالو، بعدما حاول يخفف من الحرارة لي شاعلة في البلاد.

على حساب ماقالت بزاف ديال المواقع والصحف المصرية فهاد الرجل لي كاين في حي “منشأة ناصر” في القاهرة، قتلو الصهد، وحينت قطعو عليهم الضو، بسباب الخطة الحكومية ديال الكهرباء، مشا بغا يتبرد في الطوموبيل ديالو.

هاد الشاب شعل لاكليم وهي ساكتة، ونعس شي ساعة، قبل مايفيق مخنوق، وماوصلوه للسبيطار حتى مات.

وقبل منو، كانت ماتت بنت حتا هي تخنقات إثر مللي استنشقات غاز أول أكسيد الكربون، داخل طموبيلتها بمحافظة المنوفية المصرية، حيث لجأت لها هربا من الصهد الصعيب  بسبب انقطاع الكهرباء في منزلها.