وكالات//

فواحد المشهد اللي كيخلع وكيثير الدهشة، توثق ففيديو كيدور فمواقع الإنترنت اللحظة اللي خرج فيها روبو شينوي على السيطرة أثناء تجارب الأداء، وخلق حالة ديال الفوضى والرعب وسط المبرمجين.

هاد الواقعة وقعات فالوقيتة ديال تجربة ديال روبو بشري من نوع Unitree H1، حيث كانو شادينو بالسلاسل ورابطينو بأجهزة الكمبيوتر باش يبرمجوه ويجربو الحركات ديالو. ولكن فجأة، بدا الروبو كيحرك يديه بسرعة وبطريقة عشوائية، الشي اللي خلا المبرمجين يهربو منو وخايفين.

ما طولاتش بزاف حتى رجع واحد من المبرمجين وكان شجاع، مشى ووقف الروبو وثبت ليه يدّيه وسدّو، والحمد لله ما كانت حتى شي إصابة وسط الفريق.