وكالات//

قالو البوليس فجنوب الهند، بأن راجل مات وتعرضات سائحة إسرائيلية ومرأة هندية لاغتصاب جماعي من طرف ثلاث رجال فهجوم وقع فليلة الخميس لي فات قرب واحد الموقع مشهور مدرج ف قائمة التراث العالمي ديال اليونسكو.

وقال قائد البوليس فالمنطقة، رام أراسيدي، فتصريح تليفوني، بأن راجل هندى ومرْأتين كانوا مع سائحين آخرين فبلدة هامبي، فاش هاجموهم الرجال الثلاثة من بعد مدابزو على الفلوس، حسب ما نقلت رويترز.

وزاد وقال بأن المهاجمين دفعو الرجال لقناة ديال النهر قبل ما يغتصبو النساء. ونجاو جوج من الرجال، واحد منهم أمريكي، بينما تم انتشال جثة الراجل الثالث صباح السبت.

وأشار أراسيدي بأن البوليس وقفو جوج من المهاجمين وكيديرو تحقيقات إضافية.

الهجمات على النساء فالهند أخذت اهتمام دولي العام اللي فات بعد اغتصاب طبيبة حتى الموت فمستشفى بمدينة كولكاتا شرق الهند، الشي اللي أثار غضب واحتجاجات كبيرة فبلاد.