وكالات//

قالت وكالة أسوشيتد برس أن الحكومة الميريكانية قررت منع الموظفين ديالها فالصين، بالإضافة لأفراد عائلاتهم والمقاولين اللي عندهم تصاريح أمنية، أنهم يديرو أي علاقة رومانسية أو جنسية مع المواطنين الصينيين.

وقالت مصادر مطلعة أن هاد السياسة الجديدة بداو يطبقوها من طرف السفير الميريكاني اللي كمل مهمتو نيكولاس بيرنز فشهر يناير اللي فات، قبل ما يغادر الصين بوقت قصير. هاد الأشخاص ما بغيوش يكشفو على هوياتهم حيت التوجيه جديد وسري.

ورغم أن بعض الوكالات الميريكانية كان عندها قواعد صارمة فهاد النوع من العلاقات، ما كانش معروف هاد النوع ديال السياسة اللي كتشمل كاع العلاقات منذ الحرب الباردة.

وماشي غريب أن الدبلوماسيين الميريكانيين فبلدان أخرى كيتصاحبو مع السكان المحليين وحتى يتزوجو منهم