وكالات//

مكانش الجمهور لي حضر ماتش ديال كرة لي جمع بين فريق سبتمبر وتسيسكا في الدوي البلغاري، كيتخيل انه ماغاديش يحضر غير لماتش ديال الكرة، وإنما حتى لوحدة من اغرب الاحداث لي وقعات في التاريخ ديال الكرة.

حينت وهوما كيتفرجو في الماتش، تصدمو فين شافو واحد الطاكسي صغير داخل حتى لوسط التيران، وكيضور مع راسو.

الغريب في الامر اكثر، على حساب ماقالت بزاف ديال التقارير صحفية محلية، أن الشيفور ديال الطاكسي مادارهاش بلعاني، ودخل بطريق الخطأ للتيران.

وردو واحد من الموظفين ديال التيران، وخرجو منو، والماتش سالا بالتعادل بواحد لواحد بين الفريقن.