الرئيسية > تبركيك > هادشي غير متابع بالتعنيف الجنسي اما كون كان مسالي كون خرج كليب كل نهار.. سعد لمجرد عاوتاني كيوجد اغنية وكليب جديد بعنوان “سلام” – تدوينة
04/10/2019 19:00 تبركيك

هادشي غير متابع بالتعنيف الجنسي اما كون كان مسالي كون خرج كليب كل نهار.. سعد لمجرد عاوتاني كيوجد اغنية وكليب جديد بعنوان “سلام” – تدوينة

هادشي غير متابع بالتعنيف الجنسي اما كون كان مسالي كون خرج كليب كل نهار.. سعد لمجرد عاوتاني كيوجد اغنية وكليب جديد بعنوان “سلام” – تدوينة

نجوى المالحي- كود//

هاد 2019 سعد لمجرد مركز في الخدمة وبحالا ناسي انه متابع فقضايا ديال التعنيف الجنسي ففرنسا ومازال الحكم ماخرجش. وماتجي فين تحقق أغنية ديالو نجاح حتى كيخرج أغنية جديدة.

اليوم الجمعة كشف على عنوان أغنيتو الجديدة لي ختار ليها اسم “سلام”، غادي يصدرها قريبا وغادي تكون على طريقة الفيديو كليب.

وحط لمجرد صورة من الفيديو كليب فصفحتو الشخصية على انستگرام، بالجلابة المغربية وفوق ظهر العود.

الأغنية حسب التبركيكة ديال “كود” تعامل فيها مع محسن تزاف عضو مجموعة “الفناير” ولي كان مشا خصيصا عندو لباريس في أبريل لي فات باش يسجلوها ويتفاهمو على الكلمات وكلشي.

وكان لمجرد طلق في دجنبر لي فات أغنية “بدك إيه” لي وصلات دابا لـ 22 مليون مشاهدة، وهادي 3 شهر صدر أغنية “نجيبك نجيبك”، وهادي ايام أغنية “يخليك ليلي”, وقبل منها أغنية “انساي” مع المغني المصري محمد رمضان.

موضوعات أخرى