وكالات//

فواحد الخطوة ما عمرها وقعات، خرج رئيس جماعة “بدنايل – الكورة” فلبنان، صلاح الدين الأيوبي، بقرار كَيمنع فيه صياح الديوك وتربيتها وسط تراب الجماعة، وهدّد الناس اللي ما غاديش يلتازمو بالعقوبات.

البلدية خرجات بيان، وقالت فيه أن القرار جا باش يحافظو على راحة السكان والنظام العام، حيت الديوك كيديرو صداع وكيقلقو الناس، خصوصًا فالصباح بكري.

هاد القرار خلق موجة ديال الضحك والسخرية فمواقع التواصل، بحيث وصفوه شي ناس بـ”الإنجاز العظيم”.

وحتى وحدة علّقات بطريقة ساخرة وقالت: “ولكن واش انتوما مسؤولين توفرو لكل دار خمس كراتين ديال البيض؟!”