وكالات//

نجم الهيب هوب والمنتج الموسيقي شون “كومبس” كيتواجه مع دعاوى قضائية جديدة، بعدما رفع  جوج ديال العيالات دعاوي جديدة ضدو فمحكمة نيويورك العليا، متهمينو بالاعتداء الجنسي عليهم فآخر التسعينات، حسب الوثائق اللي حصلات عليها مجلة “بيبول”.

المدعيتين، اللي كانو باينين فمجال الهيب هوب ديك الوقيتة، كيوضحوا أن التواصُل ديالهم المتكرر مع كومبس خلاهم يتعرضو لسوء المعاملة. واحدة منهم قالت إن الاعتداءات وقعات فبزاف ديال الولايات، من بينها نيويورك.

على حساب ما جا في الدعوى، كومبس دار معاها باش تخدم فواحد من الحفلات ديالو، وقدّم ليها مشروب خلاها تفقد الوعي، ومن بعد تعرضات للاعتداء من طرف الناس اللي كيحاولو يكونو فالدائرة ديالو، وكان كومبس حاضر ومشارك فهاد الاعتداء.

وزعمات أنه حتاجزها هي وصاحبتها فأوطيل ترامب فمانهاتن، حيث اضطروا يشربوا مواد مخدرة وتعرضوا لاعتداء جنسي.

أما المدعية الثانية، فكتقول نفس الشي، وقالت أنها تعرضات للإيذاء الجسدي والجنسي قدام كومبس، وزعمت أنها اضطرت باش تشرب المخدرات وتشارك فأنشطة جنسية ما بغاتش تكون فيها.