الرئيسية > آراء > هادشي خطير شي سلفيين ولحايا تسطاو وخرجوا نيابهم وكايروجو لأفكار خطيرة على أمن الدولة فحالا غا ناضت وبغات تسد الجوامع وتمنع التراويح ! واش غي بوحدكم لي مسلمين ؟ راه تا الوزر والاطباء مسلمين والملك أمير المؤمنين وكاتبقى صحة المواطن فوق كل اعتبار ! فوق الجامع وفوق التراويح وفوق الافكار ديالكم المسمومة
08/04/2021 18:00 آراء

هادشي خطير شي سلفيين ولحايا تسطاو وخرجوا نيابهم وكايروجو لأفكار خطيرة على أمن الدولة فحالا غا ناضت وبغات تسد الجوامع وتمنع التراويح ! واش غي بوحدكم لي مسلمين ؟ راه تا الوزر والاطباء مسلمين والملك أمير المؤمنين وكاتبقى صحة المواطن فوق كل اعتبار ! فوق الجامع وفوق التراويح وفوق الافكار ديالكم المسمومة

هادشي خطير شي سلفيين ولحايا تسطاو وخرجوا نيابهم وكايروجو لأفكار خطيرة على أمن الدولة فحالا غا ناضت وبغات تسد الجوامع وتمنع التراويح ! واش غي بوحدكم لي مسلمين ؟ راه تا الوزر والاطباء مسلمين والملك أمير المؤمنين وكاتبقى صحة المواطن فوق كل اعتبار ! فوق الجامع وفوق التراويح وفوق الافكار ديالكم المسمومة

سهام البارودي – كود//

هادي واحد جوج سيمانات و شي لحايا و سلفيين كاينگرو فوسائل التواصل الاجتماعي و منوضين الريتولة قاليك افتحوا مت افتحوا مساجدنا و كايتهددو على الدولة باش تخليهم يصليو التراويح هاد العام و على رأسهم داك الكتاني لي فايت تشد مورا الاحداث الارهابية ديال سطاش ماي و ضربوه بعشرين عام و خرج بعفو ملكي و خوه تابعو تاهوا دايرين كي قشبال و زروال !

من حقهم طبعا يدافعوا على حلان الجوامع و على التراويح واخا ماكانتافقش معاهم حيت كانشوف خطورة ففحال هاد القرار و لكن المشكلة دابا ماشي كايطالبو بحلان الجوامع بطريقة حضارية لا ! هاد الناس مصرين انه يروجو لواحد الصورة ديال انه هاد السدان ديال الجوامع فيه إن و أن منع التراويح مؤامرة فحالا حنا عايشين مع قريش و فحالا هاد الحكومة و الوزرا لي كايقرروا راهم كفار ماعندهم لا دين لا ملة و باغين يحاربو الاسلام شوف الحماق ديال هاد الناس فين وصل ! منشوراتهم كاملة فيها افكار مسمومة و تهديدات مبطنة للدولة.

والو هوما ماشغلهم لا فكورونا لا فسلالة متحورة لا فتزايد عدد الحالات لا فمصلحة الدولة العليا ! تگول راسهم عامر بالسيما ! باغين يمارسو ضغط على الدولة و يأججوا عباد الله باش يتحلو الجوامع صحة و يصليو التراويح صحة مع العلم انه بزاف د الدول ماشي غي المغرب منعو الصلاة فالجامع فهاد رمضان حتى من تركيا لي كايضلو يلحسو ليها تاهي مانعة التراويح و هوما والو ! بزز ! صحة قاليك افتحوا مساجدنا !

ايوا لا ! ماغاديش تفهمو و تعرفوا احسن من وزارة الصحة ووزارة الداخلية ! واش يصحابكم الدولة مسطية تبعكم فهبالكم ؟! راه مشاريع اقتصادية مهمة و سدات و قطاعات اقتصادية مهمة كاتعاني ! و أي بلاصة فيها احتمال العدوى مرتفع خاصها تسد حتى الجامع ! ايه حتى الجامع !

يا الله وا سير بكي دابا !

موضوعات أخرى

19/04/2021 17:30

بلادنا هي أول مورد أفريقي لموريتانيا.. و الدزاير كتحلم يصدق ليها الخط البحري مع نواكشوط وهاجس المغرب مزال معشش فمخ نظام العسكر