كود سبور//

فضيحة جديدة من استفزازات الجزائر للمغرب تفرگعت، والمصيبة الكبيرة بطلها لاعب جزائري كايلعب مع اولمبيك اسفي.

الفضيحة دارها اللاعب الجزائري هو هواري فرحاني المحترف بأولمبيك اسفي واللي طلع لعب مع الفريق ضد اتحاد العاصمة الجزائري اليوم السبت فالجزائر، ضمن ذهاب دومي فينال كاس الكونفدرالية الافريقية، وهو محيد العلم المغربي من توني اولمبيك اسفي، فالوقت اللي اللاعبين صحابو كان العلم المغربي كاين وواضح على صدر التونيات ديالهم.

هذا الشي ماشي مقبول وفيه اعتداء على رمز من رموز المغرب، وخاص اولمبيك اسفي يفتحو تحقيق فهاد الواقعة واللي مسؤول عليها يتحاسب، والى كان اللاعب الجزائري دارها منو راسو خاصو يتحاسب ويصيفطوه بحالو حيث اهان الفريق ومس برمز من رموز المغرب.