الرئيسية > تبركيك > هادشي اللي واتا متهم بالاغتصاب.. سعد لمجرد عوال يدخل عالم “روتيني اليومي” وبدا بفيديو حامض
03/04/2021 15:00 تبركيك

هادشي اللي واتا متهم بالاغتصاب.. سعد لمجرد عوال يدخل عالم “روتيني اليومي” وبدا بفيديو حامض

هادشي اللي واتا متهم بالاغتصاب.. سعد لمجرد عوال يدخل عالم “روتيني اليومي” وبدا بفيديو حامض

كود كازا//

هذشي اللي بقا ناقص، سعد المجرد، الفنان المعروف بتورطو فجرائم كثيرة دالاغتصاب والاعتداء جنسي، عوال يولي يدير فلوكَات فالشين ديالو فيوتوب على يومياتو، بحال داك الشكل ديال “روتيني اليومي”.

ديجا الحلقة اللولة اللي لاحها لبارح الجمعة كانت حامضة وبايخة بزاف ومايمكن تنفع الواحد بحتى حاجة، مصور راسو كيتسارا فباريس، وكيسجل فاستوديو وكيتريني، داكشي سخيف ومافيه حتى فايدة للمتابعين.

وماكاملاش دابا شي شهر باش أمرات محكمة الاستئناف فباريس بإعادة محاكمة لمجرد بتهمة اغتصاب شابة عام 2016، إذ اعتبرت أن توصيف الاغتصاب المقروب بأسباب مشددة للعقوبة كينطبق كثر على القضية، وماشي فقط “الاعتداء الجنسي”، وقررات إعادة صلاحيات النظر لمحكمة الجنايات بدل الجنح.

وعبر وكيل المدعية المحامي جان، مارك ديكوبيس، على ارتياحو للقرار، واعتبر أن “محكمة الجنايات هي السلطة القضائية المناسبة للحكم فالواقعات اللي كتعتبر موكلتو، (لورا ب.)، ضحية لبها.

ومن غير هذ القضية، المجرد متابع فقضية أخرى دالاعتداء الجنسي على شابة ف2018، فمدينة سان تروبي الساحلية ففرانسا، وهي القضية اللي تحالت على التحقيق.

وكان سبق للبلوكَوز صوفيا بالكامل خرجات مؤخرا فمقطع فيديو، كشفات فيه أن المجرد اغتصب صديقة ليها، وأنها شهدات معاها لحظات هذ الحادث اللي كيتشابه فأحداثو مع حادث اغتصاب لورا.

موضوعات أخرى

21/04/2021 11:30

وزير خارجية بريطانيا كلاشا عاوتاني لوبي عسكر الدزاير: وضع الصحرا غير محدد وحنا كندعمو جهود الأمم المتحدة وبغينا حل سياسي للنزاع – وثائق

21/04/2021 10:50

من بعد انتقادات جمعيات فيمينيست.. مندوبية التخطيط نشرات بحث على تمييز العنف بين العيالات والرجال والتصورات الذكورية للعنف

21/04/2021 10:30

بغاو يشوشو على اجتماع مجلس الأمن ومامسوق ليهم حد.. البوليساريو خرجات قيادييها يسبو المغرب والأمم المتحدة ومجلس الأمن