الرئيسية > آش واقع > هادا غير ما بقاش رئيس النيابة العامة كون دخلو للحبس. السي وهبي اش هاد التناقض. كيفاش كتردد ديما الصحافيون يتابعون بقانون الصحافة وانت التمستي النيابة العامة تابع “الزنقة 20” بالقانون الجنائي
24/01/2023 22:44 آش واقع

هادا غير ما بقاش رئيس النيابة العامة كون دخلو للحبس. السي وهبي اش هاد التناقض. كيفاش كتردد ديما الصحافيون يتابعون بقانون الصحافة وانت التمستي النيابة العامة تابع “الزنقة 20” بالقانون الجنائي

هادا غير ما بقاش رئيس النيابة العامة كون دخلو للحبس. السي وهبي اش هاد التناقض. كيفاش كتردد ديما الصحافيون يتابعون بقانون الصحافة وانت التمستي النيابة العامة تابع “الزنقة 20” بالقانون الجنائي

كود كازا ///

وزير العدل عبد اللطيف وهبي گال وعاود بزافت المرات باللي قانون الصحافة يطبق على الصخافة واللي ماشي صحافي يتابع بالقانون الجنائي ايلى دار شي حاجة كيطبق فيها هاد القانون.

كانت الفكرة ديال وهبي الوزير والمحامي معقولة٬ فاول مناسبة جاتو دار عكس هاد الفكرة. قدم شكاية بالموقع الاخباري “الزنقة 20” والتمس من النيابة العامة تطبيق القانون الجنائي عوض قانون الصحافة.

من حق الوزير يقاضي اي جورنال وهادي دارت وكدار لكن يلتامس المتابعة بالقانون الجنائي هادي سابقة خطيرة. ومزيان باللي وزير العدل ما بقاش هو رئيس النيابة العامة. يمكن كون راه عادل اربعي٬ مدير نشر “الزنقة 20” فالحبس دابا. بزاف هاد الشي.

نتمناو من النيابة العامة اللي عندها سلطة الملائمة وصاحبة القرار طبق قانون الصحافة ويكون رد واعر من هاد المؤسسة لامثال وهبي.

وكان اربعي قال فتصريح نقلاتو “الزنقة 20″ ان التماس وهبي تطبيق القانون الجنائي في حق الجريدة وصحافييها، كيعطي مؤشرات خطيرة حول تهديد حرية الصحافة في بلدنا التي يضمنها الدستور، و”كينذر بتراجع خطير”

وهبي كان قال فندوة فهاد الصباح باش حل ضيف على وكالة المغرب العربي للانباء باللي خدا الموافقة من رئيس الحكومة باش يقاضي موقع اخباري. ما ذكرش “الزنقة 20” بالاسم

موضوعات أخرى

08/02/2023 01:00

فعمرو 9 سنين.. المسؤولين ديال الحديقة للي فيها أكبر فار فالعالم دايرين اليدين والرجلين باش يدخلوه لموسوعة “كَينيس”

07/02/2023 22:15

من بعد الرجاء والعين.. الهلال ربح فلامينكو وحقق تأهل تاريخي لفينال الموندياليتو والوداد ضيعت فرصة ذهبية