الرئيسية > آش واقع > هادا عثمان بنجلون عندو منطق خاص. انا ندير البيزنس مع اعداء المغرب فالصحرا وانتوما للا. هاجم العلمي لانو باع لشركة جنوب افريقية وهو فتح فرع لبنكتو فبلاد مانديلا وطلب يفتح فرع فالجزائر
11/04/2019 09:30 آش واقع

هادا عثمان بنجلون عندو منطق خاص. انا ندير البيزنس مع اعداء المغرب فالصحرا وانتوما للا. هاجم العلمي لانو باع لشركة جنوب افريقية وهو فتح فرع لبنكتو فبلاد مانديلا وطلب يفتح فرع فالجزائر

هادا عثمان بنجلون عندو منطق خاص. انا ندير البيزنس مع اعداء المغرب فالصحرا وانتوما للا. هاجم العلمي لانو باع لشركة جنوب افريقية وهو فتح فرع لبنكتو فبلاد مانديلا وطلب يفتح فرع فالجزائر

كود هناء ابو علي ///

عثمان بنجلون الرئيس المدير العام ل”بنك افريقيا” عندو منطق خاص ديالو. هاد الملياردير اللي ما عرف يديرهم بعد منحو الملك الراحل الحسن الثاني هاد البنك بلا ما يرجع لهاد البلاد شوية من الخير اللي دار٬ ناض كيهدر على الوطنية. على تمثيلو للمغرب باش هاجم مولاي حفيظ العلمي وزير التجارة والصناعة والتكنلوجيات الحديثة بسباب بيع شركة التأمينات “ساهام” للشركة الجنوب الافريقية “سانلام” حقاش هاد الدولة ضدنا فالصحرا.

عثمان بنجلون هو كان صرح فاول 2018 باللي غادي يفتح فروع بنكتو ف5 دول افريقية منها جنوب افريقيا وزمبابوي. نفس الدولة وزيد عليهم زمبابوي اللي عندها نفس التوجه الجنوب افريقي من ملف الصحراء. وفين الوطنية يا الفاهيم.

اكثر من ذلك ف15 نونبر 2007 طار للجزائر وتلاقى مع عبد العزيز بلخادم حينها كان وزير اول الجزائر. مشى بصفتو رئيس اتحاد الابناك المغاربيين ومشى بصفتو رئيس البنك المغربي للتجارة الخارجية. بنجلون طلب حينها باش يفتح فرع فالجزائر. وعدو بلخادم وطبعا قولبوه. يعني مشى عند الدولة اللي حامية البوليساريو وداعماها. وفين الوطنية يا اللي مخدم غير بني عمو فبنك عطاه ليه الحسن الثاني زمن التفويت.

موضوعات أخرى

23/04/2019 12:00

واش الزلط مبرر للجريمة ؟ لا لا لا ! المجرم لي شفر بنكة بسيف هوا براسو ماخممش فباه لي مريض ..هادي هي الحقيقة المرة لي ماباغينش يشوفوها دوك صحاب ” نطالب البنك بالتنازل للشاب الذي…”